Thursday, July 28, 2011

ANG BABAE SA HAGDAN



"My life is my message."


-Mahatma Ghandi







Unang araw ko noon sa nilipatan kong bahay sa Cainta. Suot nya ang isang manipis na puting kamiseta noong una ko syang makita. Lagpas balikat ang itim nyang buhok. Nakaupo sya sa ikatlong baitang ng hagdan. Alam ko mas matangkad sya sa akin, kahit hindi sya nakatayo. Alam ko, basta alam ko. Nakatingin ako sa kanya. Nakatitig. Tumingin sya sa akin. Pero parang iniiwasan nya ang mga mata ko. Gusto ko syang ngitian, pero baka di nya ako gantihan ng ngiti.


Dumaan ako sa gilid nya paakyat ng hagdan. Tumayo sya at sumunod sa akin. Tiningnan ko sya, nakatingin rin sya sa akin. Ngunit di nagtatagpo ang mga aming mga mata. Sinubukan ko na lang bilangin ang bawat baitang na hinahakbangan ko. Paakyat sa pinto ng aking kwarto. Binuksan ko ang pinto ng inuupahan kong kwarto. Pumasok ako. Tumayo sya sa harap ng pinto. Pinilit kong hulihin ang mga tingin ng mata nya. Pero umiwas sya. Isinara ko ang pinto.


Magmula noon, kapag walang tao sa bahay at tahimik. Nakikita ko sya kadalasang nakaupo sa ikatlong baitang ng hagdan. Suot pa rin nya ang manipis na puting kamiseta. Minsan nakaupo sya sa sofa. Minsan sa silya sa may dining table. Pero kadalasan talaga sa ikatlong baitang ng hagdan. At sa tuwing aakyat ako ng hagdan, sumasabay sya. Tapos tatayo lang sa harap ng pinto ng kwarto ko. Minsan kapag lalabas na ako ng kwarto, nandoon sya nakatayo sa harap ng pinto.


Kaninang umagang paggising ko. Umupo ako sa kama. Naghikab. Tumingin sa salamin. Tapos napatingin ako sa sahig. Sa puting tiles sa sahig ng kwarto ko. Nakakita ako ng mga hibla ng buhok. Mahahabang itim na hibla ng buhok. Nagkalat sa sahig ng kwarto ko.



"I will color the world one step at a time..."



Nagmula ang larawan dito.



10 comments:

Bi-Em Pascual said...

Tae ka...mumu ba un?! Hala ka mas nakakatakot naman kung buhay na babae at pinasok ka sa kwarto!!!!! Syet kakakilabot!!!

Neneng Kilabot said...

aw! kala ko chix na si ate.. pinsan pala ni sadako..

jei said...

lintek naman! at binasa ko pa ito ng alas dose ng hatinggabi! grrrrr!

uy, musta na? salamat at napadaan ka.

ACRYLIQUE said...

@Baklang Maton in the Suburbs

-Nakaka-orkot nga. Pero mas nakakakilabot yung pangalawang sinabi mo. YAY!

ACRYLIQUE said...

@Neneng Kilabot

- Haha. Natutuwa ako sayo.

ACRYLIQUE said...

@jeon (JEI)

- Namiss ko ang mundong ito. Ang tagal ko ring nakabalik. Nag-time space warp ako. Haha

=supergulaman= said...

chix yan..inde mumu...naniningil ng utang..bayaran mo na kasi...ahahaha..:)

ACRYLIQUE said...

@=supergulaman=

- Haha. Wag naman po sanang katawan ang hingin nyang kabayaran.

Anonymous said...

aba nakakatakot nga ire. kala ko naman malibog na babae lang na bet magpa bona yun pala mumung susunud sunod. katakot ha. takte pauwi pa naman na ako at walang tao sa hallway. huhuhu!

Manila Wedding Suppliers said...

I love the picture !